ಉತ್ತರ ಕನ್ನಡ ಜಿಲ್ಲಾ ಪ್ರೌಢಶಾಲಾ ಮುಖ್ಯಾಧ್ಯಾಪಕರ ಸಂಘಕ್ಕೆ ಎಲ್.ಎಮ್.ಹೆಗಡೆ ಪುನರಾಯ್ಕೆ

ಕಾರವಾರ: ಶೈಕ್ಷಣಿಕ ಜಿಲ್ಲೆಯ ಉತ್ತರ ಕನ್ನಡ ಜಿಲ್ಲಾ ಪ್ರೌಢಶಾಲಾ ಮುಖ್ಯಾಧ್ಯಾಪಕರ ಸಂಘದ ಕಾರ್ಯಕಾರಿಣಿ ಸಭೆ ರವೀಂದ್ರ ಕೇಣಿಯವರ ಗೌರವಾಧ್ಯಕ್ಷತೆಯಲ್ಲಿ ಕಾರವಾರದ ಶ್ರೀ ಶಿವಾಜಿ ಪ್ರೌಢಶಾಲೆ, ಬಾಡದಲ್ಲಿ ನಡೆಯಿತು. ಎಸ್. ಎಸ್. ಪ್ರಭು ಅವರು ಚುನಾವಣಾ ಅಧಿಕಾರಿಯಾಗಿ ನಿಯೋಜನೆಗೊಂಡು ನಡೆಸಿದ ಚುನಾವಣೆಯಲ್ಲಿ ತಾಲೂಕುವಾರು ಆಯ್ಕೆಯಾದ ಸದಸ್ಯರನ್ನು ಘೋಷಣೆ ಮಾಡಿದರು. ಸಂಘದ ಬೈಲಾದಂತೆ ಆಯ್ಕೆಯಾದ ಸದಸ್ಯರಲ್ಲಿ ಹೊನ್ನಾವರ ತಾಲೂಕಿನ ಕರ್ಕಿಯ ಶ್ರೀ ಚೆನ್ನಕೇಶವ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ ಎಲ್.ಎಮ್.ಹೆಗಡೆಯವರನ್ನು ಮುಂದಿನ ಮೂರು ಶೈಕ್ಷಣಿಕ ವರ್ಷಕ್ಕೆ ಅಧ್ಯಕ್ಷರಾಗಿ ಸರ್ವಾನುಮತದಿಂದ ಆಯ್ಕೆ ಮಾಡಲಾಯಿತು.

ಕಾರ್ಯದರ್ಶಿಯಾಗಿ ಕುಮಟಾದ ಎಸ್.ಕೆ.ಪಿ. ಪ್ರೌಢಶಾಲೆ, ಕತಗಾಲದ ಮುಖ್ಯಾಧ್ಯಾಪಕರಾದ ಎಸ್.ಎಸ್. ಕೊರವರರವರನ್ನು, ಉಪಾಧ್ಯಕ್ಷರಾಗಿ ಅಂಕೋಲಾದ ಜೈ ಹಿಂದ್ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ ಪ್ರಭಾಕರ ಬಂಟರವರನ್ನು, ಖಜಾಂಚಿಯಾಗಿ ಕಾರವಾರದ ನ್ಯೂ ಹೈಸ್ಕೂಲ್ ಕಿನ್ನರದ ಮುಖ್ಯಾಧ್ಯಾಪಕರಾದ ಸಂದೀಪ ರಾಣೆಯವರನ್ನು, ಸಹಕಾರ್ಯದರ್ಶಿಯಾಗಿ ಭಟ್ಕಳದ ದುರ್ಗಾ ಪರಮೇಶ್ವರಿ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ ಕೆ.ಬಿ. ಮಡಿವಾಳರವರನ್ನು ಆಯ್ಕೆ ಮಾಡಲಾಯಿತು.

 ತಾಲೂಕ ಪ್ರತಿನಿಧಿಯಾಗಿ ಕಾರವಾರ ತಾಲೂಕಿನಿಂದ ಬಿಣಗ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ  ಎಂ.ಡಿ.ಕುAಶಿ,ಅAಕೋಲ ತಾಲೂಕಿನ ಪ್ರತಿನಿಧಿಯಾಗಿ ಸತ್ಯಾಗ್ರಹ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ  ನೇಮಸಿಂಗ್ ರಾಥೋಡ, ಕುಮಟಾ ತಾಲೂಕಿನ ಪ್ರತಿನಿಧಿಯಾಗಿ ಭದ್ರಕಾಳಿ ಹೈಯರ್ ಸೆಕೆಂಡರಿ ಸ್ಕೂಲ್ ಗೋಕರ್ಣದ ಮುಖ್ಯಾಧ್ಯಾಪಕರಾದ  ಸಿ.ಜಿ. ನಾಯಕ ದೊರೆ,ಹೊನ್ನಾವರ ತಾಲೂಕಿನ ಪ್ರತಿನಿಧಿಯಾಗಿ ಆರ್.ಇ.ಎಸ್ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ  ಸೋಮೇಶ ಪೂಜಾರಿ, ಭಟ್ಕಳ ತಾಲೂಕಿನ ಪ್ರತಿನಿಧಿಯಾಗಿ ಬೆಂಗ್ರೆ ಪ್ರೌಢಶಾಲೆಯ ಶ್ರೀಕಾಂತ್ ಭಟ್ ಆಯ್ಕೆಯಾದರು. ಮಹಿಳಾ ಪ್ರತಿನಿಧಿಯಾಗಿ ಗಿಬ್ ಗರ್ಲ್ಸ್ ಪ್ರೌಢಶಾಲೆಯ ಮುಖ್ಯಾಧ್ಯಾಪಕಿ ಶ್ರೀಮತಿ ಗೀತಾ ಪೈ, ಅಲ್ಪಸಂಖ್ಯಾತ ಪ್ರೌಢಶಾಲಾ ಪ್ರತಿನಿಧಿಯಾಗಿ ಮುರುಡೇಶ್ವರ ನ್ಯಾಷನಲ್ ಪ್ರೌಢಶಾಲಾ ಮುಖ್ಯಾಧ್ಯಾಪಕರಾದ ಜನಾಬ್ ಇಮ್ತಿಯಾಜ್ ಮುಲ್ಲಾ ಆಯ್ಕೆಯಾದರು. ಕಾರ್ಯಕಾರಿಣಿಯ ವಿಶೇಷ ಆಹ್ವಾನಿತರಾಗಿ  ಶಬ್ಬೀರ್ ದಫೇದಾರ,  ಎಮ್.ಟಿ.ಗೌಡ ಮಾರ್ಗದರ್ಶನ ನೀಡುವರೆಂದು ನಡಾವಳಿ ಸ್ವೀಕರಿಸಲಾಯಿತು.  ಗಣಪತಿ ಶಿರೂರು,  ಆರ್.ಎಸ್.ನಾಯ್ಕ ಉಪಸ್ಥಿತರಿದ್ದರು. ಸಂಘದ ಕರೆಸ್ಪಾಂಡೆAಟ್ ಆಗಿ ನಿವೃತ್ತ ಮುಖ್ಯಾಧ್ಯಾಪಕರಾದ  ಎಸ್.ಎಸ್.ಪ್ರಭುರವರನ್ನು ನಿಯೋಜಿಸಲಾಯಿತೆಂದು ಸಭೆಯಲ್ಲಿ ಅನುಮೋದಿಸಲಾಯಿತು.

ಸಭೆಯ ಧ್ಯೇಯೋದ್ದೇಶಗಳನ್ನು ಮತ್ತು ಸಂಘದ ಕಾರ್ಯಚಟುವಟಿಕೆಗಳನ್ನು ತಿಳಿಸಿ, ಮುಂದಿನ ದಿನಗಳಲ್ಲಿ ಶಾಲಾ ಶೈಕ್ಷಣಿಕ ಗುಣಮಟ್ಟವನ್ನು ಹೆಚ್ಚಿಸಲು ಶಿಕ್ಷಣ ಇಲಾಖೆಯ ಸಮನ್ವಯತೆಯೊಂದಿಗೆ ಕಾರ್ಯ ಯೋಜನೆ ರೂಪಿಸಬೇಕೆಂದು ತೀರ್ಮಾನಿಸಲಾಯಿತು. ನೂತನವಾಗಿ ಆಯ್ಕೆಯಾದ ಪದಾಧಿಕಾರಿಗಳನ್ನು ಸಭಾಪತಿಗಳಾದ ಬಸವರಾಜ ಹೊರಟ್ಟಿ, ಮಾಧ್ಯಮಿಕ ಶಾಲಾ ನೌಕರರ ಸಂಘದ ಕೇಂದ್ರ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಜಿ.ಆರ್.ಹೆಗಡೆ,ಡಿವೈಪಿಸಿ ಭಾಸ್ಕರ ಗಾಂವ್ಕರ್,ಆಯುಕ್ತರ ಕಚೇರಿಯ ನಿರ್ದೇಶಕರಾದ ಈಶ್ವರ ನಾಯ್ಕ,ಕಾರವಾರ ಶೈಕ್ಷಣಿಕ ಜಿಲ್ಲೆಯ ಉಪನಿರ್ದೇಶಕರಾದ ಶ್ರೀಮತಿ ಲತಾ ನಾಯಕ, ಡಯಟ್ ಕುಮಟಾದ ಪ್ರಾಚಾರ್ಯರಾದ ಎನ್. ಆರ್.ಹೆಗಡೆ, ಉಪ ಪ್ರಾಚಾರ್ಯರಾದ ಜಿ.ಎಸ್. ಭಟ್ಟರವರು ಅಭಿನಂದಿಸಿದ್ದಾರೆ.