Murdeshwara

ಮುರ್ಡೇಶ್ವರದಲ್ಲಿ ಹರೆ ಕೃಷ್ಣ ಹರೇ ಕೃಷ್ಣ, ಕೃಷ್ಣ ಕೃಷ್ಣ ಹರೇ ಹರೇ

ಭಟ್ಕಳ: ಉತ್ತರ ಕನ್ನಡ ಜಿಲ್ಲೆಯ ಪ್ರಸಿದ್ಧ ಪ್ರವಾಸಿ ತಾಣವಾದ ಮುರುಡೇಶ್ವರ ಕಡಲತೀರದಲ್ಲಿ ವಿಭಿನ್ನ ಹಾಗೂ ಭಕ್ತಿಭರಿತ ದೃಶ್ಯಕ್ಕೆ ಸಾಕ್ಷಿಯಾಯಿತು. ದೇಶದ ವಿವಿಧ ಭಾಗಗಳಿಂದ ಆಗಮಿಸಿದ್ದ ಪ್ರವಾಸಿಗರು ಸಮೂಹವಾಗಿ
“ಹರೇ ಕೃಷ್ಣ ಹರೇ ಕೃಷ್ಣ, ಕೃಷ್ಣ ಕೃಷ್ಣ ಹರೇ ಹರೇ,
ಹರೇ ರಾಮ ಹರೇ ರಾಮ, ರಾಮ ರಾಮ ಹರೇ ಹರೇ”
ಎಂಬ ಮಹಾಮಂತ್ರವನ್ನು ಜಪಿಸಿದರು.

ಸಮುದ್ರದ ಅಲೆಗಳ ಘೋಷದ ಮಧ್ಯೆ ಗಂಭೀರ ಧ್ವನಿಯಲ್ಲಿ ಮಹಾಮಂತ್ರ ಜಪ ನಡೆಯುತ್ತಿದ್ದಂತೆ ಕಡಲತೀರದಲ್ಲಿ ಆತ್ಮೀಯ, ಶಾಂತ ವಾತಾವರಣ ನಿರ್ಮಾಣವಾಯಿತು.
ಈ ದೃಶ್ಯವನ್ನು ನೋಡಿದ ಇತರ ಪ್ರವಾಸಿಗರೂ ಸ್ವಯಂಸ್ಫೂರ್ತಿಯಾಗಿ ಸೇರಿಕೊಂಡು ಜಪದಲ್ಲಿ ಪಾಲ್ಗೊಂಡರು.

ಸಾಮಾನ್ಯವಾಗಿ ಮೋಜು-ಮಸ್ತಿಗಾಗಿ ಪ್ರಸಿದ್ಧವಾಗಿರುವ ಮುರುಡೇಶ್ವರ ಕಡಲತೀರದಲ್ಲಿ ಇಂತಹ ಆಧ್ಯಾತ್ಮಿಕ ಕ್ಷಣಗಳು ಪ್ರವಾಸಿಗರ ಮನಸ್ಸಿಗೆ ವಿಶಿಷ್ಟ ಅನುಭವ ನೀಡಿದವು. “ಪ್ರವಾಸದ ಮಧ್ಯೆ ಮನಸ್ಸಿಗೆ ಶಾಂತಿ ಸಿಗುವಂತಹ ಅನುಭವ ಇದು” ಎಂದು ಭಾಗವಹಿಸಿದವರು ಹೇಳಿದರು.

ಈ ಘಟನೆ, ಮುರುಡೇಶ್ವರ ಕೇವಲ ಪ್ರವಾಸಿ ತಾಣವಷ್ಟೇ ಅಲ್ಲದೆ ಆಧ್ಯಾತ್ಮಿಕ ಅನುಭವಕ್ಕೂ ಸೂಕ್ತ ಸ್ಥಳ ಎಂಬುದನ್ನು ಮತ್ತೊಮ್ಮೆ ಸಾರಿತು.