Bhatkal

ಅಭಿಮಾನಿಯ ಮನೆಗೆ ಭೇಟಿ ನೀಡಿ ದುರ್ಗಾದೇವಿ ದರ್ಶನ ಪಡೆದ ಉಪಸಭಾಪತಿ ಮಂಕಾಳ ವೈದ್ಯ

ಭಟ್ಕಳ: ಕರ್ನಾಟಕ ವಿಧಾನಸಭೆಯ ಉಪಸಭಾಪತಿ ಹಾಗೂ ಭಟ್ಕಳ-ಹೊನ್ನಾವರ ಕ್ಷೇತ್ರದ ಶಾಸಕ ಮಂಕಾಳ ಎಸ್. ವೈದ್ಯ ಅವರು ನವರಾತ್ರಿ ಆಚರಣೆ ಅಂಗವಾಗಿ ಬೆಳ್ಕೆ ಗ್ರಾಮದ ಅಭಿಮಾನಿ ಮಾದೇವ ನಾರಾಯಣ ಮಲ್ಯ ಅವರ ಮನೆಗೆ ಭೇಟಿ ನೀಡಿ ದುರ್ಗಾದೇವಿಯ ದರ್ಶನ ಪಡೆದರು.

ಮಲ್ಯ ಕುಟುಂಬದವರು ಪ್ರತಿವರ್ಷ ದಸರಾ ಸಂದರ್ಭದಲ್ಲಿ ಮನೆಯಲ್ಲಿ ದುರ್ಗಾದೇವಿಯನ್ನು ಪ್ರತಿಷ್ಠಾಪಿಸಿ ವಿಶೇಷ ಪೂಜೆ ಸಲ್ಲಿಸುತ್ತಾರೆ. ಈ ಹಿನ್ನೆಲೆಯಲ್ಲಿ ಆಗಮಿಸಿದ ಮಂಕಾಳ ವೈದ್ಯ ಅವರು ದೇವಿಯ ದರ್ಶನ ಪಡೆದು, ಕುಟುಂಬಸ್ಥರೊಂದಿಗೆ ಆತ್ಮೀಯವಾಗಿ ಮಾತುಕತೆ ನಡೆಸಿದರು. ಈ ವೇಳೆ ಕುಟುಂಬದ ಸದಸ್ಯರು ಶಾಸಕರಿಗೆ ಶಾಲು ಹೊದಿಸಿ, ಮಲ್ಲಿಗೆ ಹಾರ ಹಾಕಿ ಗೌರವಿಸಿದರು.

ಕುಟುಂಬದ ಸದಸ್ಯರಂತೆ ಬೆರೆಯುವ ಸರಳತೆ: ಶಾಸಕರ ಭೇಟಿಯಿಂದ ಹರ್ಷ ವ್ಯಕ್ತಪಡಿಸಿದ ವಕೀಲ ಹಾಗೂ ಮಾಧ್ಯಮ ರಂಗದ ಪ್ರಮುಖರಾದ ಅರ್ಜುನ್ ಮಲ್ಯ, “ಉನ್ನತ ಹುದ್ದೆಯಲ್ಲಿದ್ದರೂ ಮಂಕಾಳ ವೈದ್ಯ ಅವರು ಸಾಮಾನ್ಯ ಜನರೊಂದಿಗೆ ತೀರಾ ಸರಳವಾಗಿ ಬೆರೆಯುತ್ತಾರೆ. ಅವರು ನಮ್ಮ ಮನೆಗೆ ಬಂದಾಗ ರಾಜಕಾರಣಿಯೊಬ್ಬರು ಬಂದಿದ್ದಾರೆ ಎನ್ನಿಸುವುದಿಲ್ಲ, ಮನೆಯಲ್ಲೇ ಒಬ್ಬರಂತೆ ಅನ್ನಿಸುತ್ತದೆ. ಅವರ ಭೇಟಿ ನಮ್ಮ ದಸರಾ ಸಂಭ್ರಮವನ್ನು ಇಮ್ಮಡಿಗೊಳಿಸಿದೆ” ಎಂದರು.

ಉನ್ನತ ಸ್ಥಾನದಲ್ಲಿದ್ದರೂ ಅಭಿಮಾನಿಗಳ ಆಹ್ವಾನಕ್ಕೆ ಸ್ಪಂದಿಸಿ, ಮನೆಗೆ ಭೇಟಿ ನೀಡಿದ ಶಾಸಕ ಮಂಕಾಳ ವೈದ್ಯ ಅವರ ಸರಳತೆ ಹಾಗೂ ಅಭಿಮಾನದ ಒಡನಾಟ ಸ್ಥಳೀಯರ ಮೆಚ್ಚುಗೆಗೆ ಪಾತ್ರವಾಯಿತು.