
ಶಾಹಿ ಟೈಲರಿಂಗ್ ತರಬೇತಿ ಕೇಂದ್ರದಲ್ಲಿ ತರಬೇತುದಾರರು ಹಾಗೂ ಪೋಷಕರ ಸಮನ್ವಯ ಸಭೆ
ಕೂಡ್ಲಿಗಿ (ವಿಜಯನಗರ): ಸಮಾಜಕ್ಕೆ ದೊಡ್ಡ ಪಿಡುಗಾಗಿರುವ ನಿರುದ್ಯೋಗ ಸಮಸ್ಯೆಯನ್ನು ಎದುರಿಸಲು ಹಾಗೂ ಆರ್ಥಿಕ ಸ್ವಾವಲಂಬನೆ ಸಾಧಿಸಲು ಯುವಕ-ಯುವತಿಯರು ಟೈಲರಿಂಗ್ನಂತಹ ವೃತ್ತಿಪರ ಕೌಶಲ್ಯ ಕೋರ್ಸ್ಗಳತ್ತ ಹೆಚ್ಚಿನ ಒಲವು ತೋರಬೇಕು ಎಂದು ಜಾನಪದ ಸಾಹಿತ್ಯ ಪರಿಷತ್ ಅಧ್ಯಕ್ಷ ಹಾಗೂ ಹಿರಿಯ ಪತ್ರಕರ್ತ ಕೆ.ಎಂ. ವೀರೇಶ್ ಕರೆ ನೀಡಿದರು.


ಪಟ್ಟಣದ ಶಾಹಿ ಟೈಲರಿಂಗ್ ತರಬೇತಿ ಕೇಂದ್ರದಲ್ಲಿ ತರಬೇತುದಾರರು, ತರಬೇತಿ ಪಡೆದ ಯುವತಿಯರು ಹಾಗೂ ಅವರ ಪೋಷಕರ ಸಮನ್ವಯ ಸಭೆಯಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಅವರು ಮಾತನಾಡಿದರು.

ಉಚಿತ ತರಬೇತಿ ಹಾಗೂ ಉದ್ಯೋಗಾವಕಾಶ ಶ್ಲಾಘನೀಯ: “ಶಾಹಿ ಕಂಪನಿಯು ಉಚಿತವಾಗಿ ಟೈಲರಿಂಗ್ ತರಬೇತಿ ನೀಡಿ, ಬಳಿಕ ತಮ್ಮ ಕಂಪನಿಯಲ್ಲೇ ಖಾಯಂ ಉದ್ಯೋಗಾವಕಾಶ ಕಲ್ಪಿಸುತ್ತಿರುವುದು ಅತ್ಯಂತ ಶ್ಲಾಘನೀಯ ಕಾರ್ಯ. ಇದರಿಂದ ನಿರುದ್ಯೋಗ ಸಮಸ್ಯೆ ನಿವಾರಣೆಯಾಗುವುದಲ್ಲದೆ, ಯುವತಿಯರು ಸ್ವಾವಲಂಬಿ ಜೀವನ ನಡೆಸಲು ಅನುಕೂಲವಾಗಲಿದೆ. ಶಿಕ್ಷಣ ಮತ್ತು ಕೌಶಲ್ಯ ಯಾರೂ ಕದಿಯಲಾಗದ ಆಸ್ತಿ” ಎಂದರು.
ಪೋಷಕರಿಗೆ ಸಲಹೆ: “ಉದ್ಯೋಗಕ್ಕೆ ಮಕ್ಕಳನ್ನು ಕಳುಹಿಸುವ ಮುನ್ನ ಕಂಪನಿಯ ನಿಯಮಾವಳಿಗಳು ಹಾಗೂ ಸುರಕ್ಷತೆಯ ಬಗ್ಗೆ ಪೋಷಕರಿಗೆ ಯಾವುದೇ ಆತಂಕ ಅಥವಾ ಗೊಂದಲಗಳಿದ್ದಲ್ಲಿ ಅಧಿಕಾರಿಗಳೊಂದಿಗೆ ಮುಕ್ತವಾಗಿ ಸಮಾಲೋಚಿಸಬೇಕು. ನೇರವಾಗಿ ಕಂಪನಿಯ ಕಾರ್ಯಸ್ಥಳಕ್ಕೆ ತೆರಳಿ ಪರಿಶೀಲಿಸಿ, ಸಂಪೂರ್ಣ ಮನದಟ್ಟಾದ ಬಳಿಕವಷ್ಟೇ ಸ್ವಯಂಪ್ರೇರಣೆಯಿಂದ ಮಕ್ಕಳನ್ನು ಉದ್ಯೋಗಕ್ಕೆ ಕಳುಹಿಸಿಕೊಡಬಹುದು” ಎಂದು ಅವರು ಸಲಹೆ ನೀಡಿದರು.
ಸಭೆಯಲ್ಲಿ ಉಪನ್ಯಾಸಕ ವಿವೇಕಾನಂದ, ಶಾಹಿ ಕಂಪನಿಯ ಅಧಿಕಾರಿ ಸಂದೀಪ್ ಹಾಗೂ ವ್ಯವಸ್ಥಾಪಕ ಸತ್ಯನಾರಾಯಣ ಉಪಸ್ಥಿತರಿದ್ದು ಮಾಹಿತಿ ನೀಡಿದರು. ಸಂಸ್ಥೆಯ ಸಿಬ್ಬಂದಿ ತಮ್ಮಯ್ಯ, ತರಬೇತುದಾರರಾದ ರೇಣುಕಾ, ಸಿದ್ದೇಶ, ಸಂಗೀತಾ ಸೇರಿದಂತೆ ತರಬೇತಿ ಪಡೆದ ಯುವತಿಯರು ಹಾಗೂ ಪೋಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿದ್ದರು. (ವರದಿ: ವಿ.ಜಿ. ವೃಷಭೇಂದ್ರ, ಕೂಡ್ಲಿಗಿ)

More Stories
ರೈತರು ಸಂಘಟಿತರಾದರೆ ಮಾತ್ರ ದೇಶದ ಸರ್ವಾಂಗೀಣ ಅಭಿವೃದ್ಧಿ ಸಾಧ್ಯ – ರೈತ ಮುಖಂಡ ಕೆ.ಕೆ.ಹಟ್ಟಿ ದೇವರಮನೆ ಮಹೇಶ
ಕೂಡ್ಲಿಗಿ ತಾಲೂಕಿನಾದ್ಯಂತ ಅರ್ಥಪೂರ್ಣ ಗೌರಿ ಹಬ್ಬ ಆಚರಣೆ; ಸಂಭ್ರಮಿಸಿದ ಮಹಿಳೆಯರು-ಬಾಲೆಯರು
ಬಕ್ರೀದ್ ಹಬ್ಬ ಆಚರಣೆ, ಲೋಕ ಕಲ್ಯಾಣಕ್ಕಾಗಿ ಸಾಮೂಹಿಕ ಪ್ರಾರ್ಥನೆ-