ಮಡಿಕೇರಿ ದಸರಾ: ಕೆಎಸ್‌ಆರ್‌ಟಿಸಿಯಿಂದ ಇದೇ ಮೊದಲ ಬಾರಿಗೆ ವಿಶೇಷ ಪ್ಯಾಕೇಜ್ ಟೂರ್

ಮಡಿಕೇರಿ: ವಿಶ್ವಪ್ರಸಿದ್ಧ ಮಡಿಕೇರಿ ದಸರಾ ಮಹೋತ್ಸವದ ನಿಮಿತ್ತ ಕೆಎಸ್‌ಆರ್‌ಟಿಸಿ ಸಂಸ್ಥೆಯು ಪ್ರವಾಸಿಗರಿಗೆ ಸಿಹಿ ಸುದ್ದಿ ನೀಡಿದ್ದು, ಇದೇ ಮೊದಲ ಬಾರಿಗೆ ಕೊಡಗು ಜಿಲ್ಲೆಯ ಪ್ರಮುಖ ಧಾರ್ಮಿಕ ಹಾಗೂ ಪ್ರವಾಸಿ ತಾಣಗಳನ್ನು ಒಳಗೊಂಡ ‘ಒಂದು ದಿನದ ವಿಶೇಷ ಪ್ಯಾಕೇಜ್ ಟೂರ್’ ಆಯೋಜಿಸಿದೆ.

ಈ ವಿಶೇಷ ಪ್ರವಾಸ ಸೇವೆಯು ಅಕ್ಟೋಬರ್ 11ರಿಂದ 26ರವರೆಗೆ ಲಭ್ಯವಿರಲಿದ್ದು, ಮಡಿಕೇರಿ ಬಸ್ ನಿಲ್ದಾಣದಿಂದ ಪ್ರತಿದಿನ ಬೆಳಿಗ್ಗೆ 6:30ಕ್ಕೆ ಬಸ್ ಹೊರಟು, ವಿವಿಧ ತಾಣಗಳನ್ನು ವೀಕ್ಷಿಸಿದ ನಂತರ ರಾತ್ರಿ 7:30ಕ್ಕೆ ಮಡಿಕೇರಿಗೆ ವಾಪಸಾಗಲಿದೆ.

ಎರಡು ಪ್ರಮುಖ ಪ್ಯಾಕೇಜ್‌ಗಳ ವಿವರ:

ಕಾವೇರಿ ದರ್ಶನ’ ಪ್ಯಾಕೇಜ್:

ವೀಕ್ಷಿಸುವ ತಾಣಗಳು: ಓಂಕಾರೇಶ್ವರ ದೇವಸ್ಥಾನ, ಇಗ್ಗುತಪ್ಪ ದೇವಸ್ಥಾನ, ಭಾಗಮಂಡಲ ದೇವಸ್ಥಾನ, ಪವಿತ್ರ ತಲಕಾವೇರಿ, ಅಬ್ಬಿ ಜಲಪಾತ ಹಾಗೂ ರಾಜಾಸೀಟು.

ಕೊಡಗಿನ ಸೊಬಗು’ ಪ್ಯಾಕೇಜ್:

ವೀಕ್ಷಿಸುವ ತಾಣಗಳು: ಓಂಕಾರೇಶ್ವರ ದೇವಸ್ಥಾನ, ಹಾರಂಗಿ ಜಲಾಶಯ/ಆನೆ ಕ್ಯಾಂಪ್, ಕುಶಾಲನಗರದ ಗೋಲ್ಡನ್ ಟೆಂಪಲ್, ಕಾವೇರಿ ನಿಸರ್ಗಧಾಮ, ಕಾಫಿ ಪ್ಲಾಂಟೇಶನ್, ಅಬ್ಬಿ ಜಲಪಾತ ಹಾಗೂ ರಾಜಾಸೀಟು.

ಟಿಕೆಟ್ ದರ ಹಾಗೂ ಬುಕ್ಕಿಂಗ್:

ಪ್ರಯಾಣ ದರ: ವಯಸ್ಕರಿಗೆ ₹400 ಹಾಗೂ ಮಕ್ಕಳಿಗೆ (6 ರಿಂದ 12 ವರ್ಷ) ₹300 ನಿಗದಿಪಡಿಸಲಾಗಿದೆ.

ವಿಶೇಷ ಸೂಚನೆ: ಈ ದರದಲ್ಲಿ ಪ್ರಯಾಣ ವೆಚ್ಚ ಮಾತ್ರ ಸೇರಿದ್ದು, ಊಟೋಪಚಾರ ಹಾಗೂ ಪ್ರವಾಸಿ ತಾಣಗಳ ಪ್ರವೇಶ ಶುಲ್ಕ (Entry Fee) ಒಳಗೊಂಡಿರುವುದಿಲ್ಲ.

ಕರ್ನಾಟಕ ಸಾರಿಗೆ ಬಸ್‌ಗಳ ಮೂಲಕ ಈ ಸೇವೆ ಲಭ್ಯವಿದ್ದು, ಪ್ರವಾಸಿಗರು ಕೆಎಸ್‌ಆರ್‌ಟಿಸಿಯ ಅಧಿಕೃತ ವೆಬ್‌ಸೈಟ್ ಮೂಲಕ ಮುಂಗಡ ಆಸನಗಳನ್ನು ಕಾಯ್ದಿರಿಸಬಹುದಾಗಿದೆ (Advance Booking).

ವರದಿ: ಪ್ರಿತುನ್ ಪೂವಣ್ಣ

About The Author

Bhavanishankar Naik

See author's posts