ಕಾಸರಕೋಡ್ ಬೀಚಿನಲ್ಲಿ 102 ಕಡಲಾಮೆ ಮರಿ ಜನ್ಮ

ಹೋನ್ನಾವರ : ಕಾಸರಕೋಡ ಟೊಂಕ ಕಡಲತೀರದಲ್ಲಿ ರಿಡ್ಲೆ ಜಾತಿಯ ಕಡಲಾಮೆಯೊಂದು ಇಲ್ಲಿನ ಕಾಸರಕೋಡ ಟೊಂಕದ ಕಡಲತೀರದ 4ನೇ ಗೂಡಿನಲ್ಲಿ ಇಟ್ಟಿರುವ113 ಮೊಟ್ಟೆಗಳು ಒಡೆದು ಇಂದು 102ಮರಿಗಳು ಜನ್ಮತಾಳಿದೆ.

ಅರಣ್ಯ ಇಲಾಖೆಯ ಉಸ್ತುವಾರಿಯಲ್ಲಿ ಸ್ಥಳೀಯ ಜೈನಜಟಕೇಶ್ವರ ಸಂಘದ ಭಾಸ್ಕರ್ ತಾಂಡೇಲ, ರಮೇಶ ತಾಂಡೇಲ ಮತ್ತು ರಾಜುದತ್ತಾ ತಾಂಡೇಲ ನೇತೃತ್ವದಲ್ಲಿ ಕಡಲಾಮೆ ಮರಿಗಳನ್ನು ರವಿವಾರ ಮುಂಜಾನೆ ಸುರಕ್ಷಿತವಾಗಿ ಸಮುದ್ರಕ್ಕೆ ಬಿಡಲಾಯಿತು.ಈ ಸಂದರ್ಭದಲ್ಲಿ ಆಮೆ ಗೂಡುಗಳ ರಕ್ಷಣೆಗೆಂದೆ ಅರಣ್ಯ ಇಲಾಖೆಯಿಂದ ನಿಯೋಜಿಸಿರುವ ಉದಯ ತಾಂಡೇಲ ಮತ್ತು ಗುರು ಮಾದೇವ ತಾಂಡೇಲ ಹಾಗೂ ಸ್ಥಳೀಯ ವಿಠ್ಠಲ ತಾಂಡೇಲ, ಗಣಪತಿ ತಾಂಡೇಲ ಮತ್ತಿತರ ಪ್ರಮುಖರು ಉಪಸ್ಥಿತರಿದ್ದರು.